Joao Miranda flet për herë të parë si interist që prej transferimit të tij në Milano ku synon të nisë një cikël të ri pas eventurës madrilene me Atleticon. Mbrojtësi brazilian që ka detyrën e vështirë për të drejtuar repartin e prapavijës ku Interi vazhdon të tregojë dobësi, vendos një objektiv të qartë, zonën Champions. “Nëse arrijmë këtë objektiv atëherë mund të luftojmë për tituj”, thekson Miranda, duke shtuar se ishte Mancini ai që e bindi të transferohej në Milano. “Zgjedhja ishte e lehtë pasi më bënë një ofertë shumë të mirë që ishte e vështirë ta refuzoje”, nënvizon 30-vjeçari i lindur në Parana.

Miranda del në mbrojtje të skuadrës që është mundur në 4 miqësoret e zhvilluara, duke theksuar se fitoret nuk shërbejnë për asgjë, ndërsa disfatat do të shërbejnë për të riparuar gabimet në grupin zikaltër. “Duhet të flasim shumë me njëri-tjetrin dhe të rritemi sëbashku. Duhet të jemi të bashkuar për të ndërtuar një repart solid në mbrojtje”, shton lojtari brazilian, i cili dërgon një mesazh edhe për Felipe Melon, duke theksuar se bashkimi i mundshëm me Interin do ta forconte edhe më shumë grupin e drejtuar nga Robero Mancini.

Largimi i Xavi Hernandezit drejt Katarit, ka hapur një debat të ri te Barcelona. Cili do të jetë kapiteni i katërt i blaugranave për sezonin e ri futbollistik? Në bazë të hierarkisë, Andres Iniesta, Leo Messi dhe Sergio Busquets, automatikisht janë kapiteni i parë, i dytë dhe i tretë, ndërsa për të zgjedhur kapitenin e katërt duhet të bëhet një votim ku do të marrin pjesë të gjithë futbollistët. Barcelonës së fundmi i është bashkuar edhe Claudio Bravo, që do të thotë se janë të gjithë kushtet që të realizohet ky votim.

Dy kandidatët kryesorë janë Gerard Pique dhe Javier Mascherano. Spanjolli vlerësohet për vazhdimësinë e tij që nga viti 2008, ndërsa argjentinasi për autoritetin që gëzon në dhomat e zhveshjes.

Një tjetër futbollist i i Barcës, që mund të marrë vota të mjaftueshme për t’u zgjedhur kapiten i katërt është Dani Alves, i cili është pjesë e skuadrës që nga viti 2008. Nuk ishte në listën e kandidatëve kur Xavi njoftoi largimin, pasi edhe ai përflitej se nuk do të ishte pjesë e formacionit të Luis Enriques.

Një kandidaturë potenciale mund të ishte edhe Pedro, i përfshirë në ekipin e parë nga Rijkard në sezonin 2007-2008, por sulmuesi mund të largohet te Manchester United, ndaj nuk mund të zgjidhet si kapiten i katërt.

Zlatan Ibrahimovic rrezikon seriozisht të humbasë ndeshjen e parë të kampionatit kundër Lillë, që do të zhvillohet të Premten në orën 20:30. Sigurisht që mungesa e mundshme e 33-vjecarit nuk ka të bëjë me zërat e merkatos, por me dëmtimin që pësoi gjatë superkupës së Francës ndaj Lyonit, e luajtur në Montreal të Kanadasë. Ibrahimovic pati një problem në gju gjatë fitores 2-0 të parizienëve dhe sipas trajnerit Laurent Blanc, diagnoza e saktë tregon për një përdredhje të ligemamentit të gjurit. Gjithsesi, nuk flitet për një dëmtim shumë serioz, pasi gjiganti suedez pritet të kthehet shumë shpejt nën udhrat e Blanc. Më shumë mundësi Ibrahimovic do të mungojë ndaj Lillë në sfidën hapëse të kampionatit, por do të jetë në dispozicion të trajnerit për ndeshjet në vazhdim.

Dëmtimi i Ibras nxiti edhe spekullimet e merkatos për një largim të mundshëm nga kampionet e Francës me destinacion Stambollin ose Milanon, por këto zëra për momentin janë hedhur poshtë nga PSG, që e llogarit sulmuesin për sezonin që sapo ka nisur.

Shqipëria pritet të ngjitet në klasifikimin global të FIFA-s aty ku nuk ka qenë kurrë më parë, në vendin e 22 në Botë dhe diçka e tillë nuk mund të linte indiferent edhe trajnerin e kuqezinjve, Gianni de Biasi që ka komentuar në profilin e tij në Facebook.

“Vazhdon ngjitja e Shqipërisë në klasifikimin e FIFA-s, që në këtë muaj Gushti kalon nga vendi i 36-të në të 22-in, duke kaluar vende si Franca, Danimarka dhe Gana”.

Edhe pse një koment i thjeshtë, De Biasi që zakonisht qëndron me “këmbë në tokë’ duke kërkuar të evitojë euforinë, këtë herë është e lehtë të kuptohet se transmeton krenarinë e tij për progresin e padiskutueshëm të Shqipërisë me të në drejtim. Vetëm një muaj më parë Shqipëria shënoi një tjetër rekord duke u ngjitur në vendin e 36-të, por trajneri i kuqezinjve preferoi të mos i jepte shumë rëndësi këtij fakti duke vënë theksin te puna me grupin dhe ndeshjet që ka përpara.

Në fakt do të jenë pikërisht takimet e radhës me Danimarkën dhe Portugalinë ato që do të thonë shumë mbi fatin e Shqipërisë për t’u kualifikuar “nga dera kryesore” në Europianin Francë 2016, dhe tekniku italian është fokusuar pikërisht te këto ndeshje duke vijuar në këto muaj në dukje “pauze” punën me ndjekjen konstante të formës dhe situatës së futbollistëve të Kombëtares dhe si gjithmonë dhe me vëzhgimin e talenteve që janë potencial për t’u bërë në të ardhmen pjesë e ekipit kombëtar. Trajneri që njihet për profilin e tij modest, këtë herë nuk mund të qëndronte pa komentuar. Në fund të fundit Shqipëria në vendin e 22 në Botë nuk është diçka që ndodh çdo ditë.

Presidenti i Barcelonës, Josep Mario Bartomeu nuk u vuri fre entuziasmit ndërsa hapi Kongresin e grupimeve të tifozëve të Barcelonës. Numri një i klubit katalanas shprehu keqardhjen e tij për largimin e Xavit duke siguruar se një ditë ai do të kthehet te Barca me një rol drejtuesi, ndërkohë që deklaratën më të fortë e lëshoi në lidhje me treshen e ëndrrave të sulmit të Barcelonës.

“Lionel Messi, Luis Suarez dhe Neymar meritojnë të jenë këtë vit treshja e finalistëve të “Topit të Artë”, – deklaroi kreu suprem i Barcelonës. Deklaratë kjo që padyshim nuk do t’i pëlqejë shumë Cristiano Ronaldos, por edhe yjeve të tjerë që aspirojnë të jenë në podin e Cmimit më të rëndësishëm individual në botën e futbollit. Portugezi ka fituar dy edicionet e fundit të “Topit të Artë”, por këtë vit favoriti është padyshim Messi, që arriti triumfin e trefishtë në të gjitha kompeticionet me Barcelonën duke shënuar 58 gola në 57 ndeshje gjatë sezonit 2014-2015, si dhe ishte finalist i Kupës së Amerikës me Argjentinën.

Për sa i përket Bartomeut, presidenti i klubit katalanas bëri të ditur se triumfi i sezonit të kaluar me Luis Enriquen nuk do të mbetet thjesht suksesi i një viti, pasi Barca synon të ndërtojë një tjetër cikël fitues me trajnerin nga Gijon. Gjithashtu Bartomeu paralajmëroi se askush nuk duhet të marrë si dobësi vendimin e Barcës për të mos apeluar dënimin që iu dha për shfaqjen e flamujve të Katalunjës nga tifozët në finalen e Championsit, duke bërë thirrje që tifozët, skuadra dhe klubi të mbeten të bashkuar pasi është ky celësi i suksesit.

Milani e mbyll në mënyrën më të keqe të mundshme turneun e “Audi Cup”. Pasi humbën 3-0 ndaj Bayern Munich, kësaj radhe kuqezinjtë pësojnë një tjetër disfatë, në finalen e vogël ndaj Tottenham në “Allianz Arena”.

“Spurs” dominuan ekipin e Mihajlovic 2-0, me nga një gol të shënuar për çdo pjesë. I pari realizoi Nacer Chadli në minutën e 8, dhe të dytin Thomas Carroll në të 71-tën. Edhe pse miqësore, tekniku i kuqezinjtë duhet të reflektojë në prag të sezonit të ri të Serisë A.

Skënderbeu ka fituar edhe ndeshjen e kthimit të turit të tretë të Ligës së Kampionëve ndaj Milsamit, duke bërë historinë, pasi në sezonin e ardhshëm, përpos kampionatit shqiptar, korçarët do të luajnë edhe në njërin prej kompeticioneve europiane.

Kampionët e Shqipërisë fillimisht do të luajnë dy ndeshjet e “play-off”-it dhe në rast se kalojnë edhe këtë fazë, atëherë janë në grupet e Championsit, në të kundërtën do të luajnë në grupet e Europa League.

Skënderbeu fitoi me rezultat 2-0 falë golave të Salihit dhe Prognit, nga një për secilin pjesë. Skuadra shqiptare dominoi ndeshjen, duke shfrytëzuar epërsinë numerike në fushë, pasi miqtë mbetën me dhjetë lojtarë që në minutën 14, pasi Androniç shkaktoi një ndërhyrje të ashpër ndaj Eskardinjës, që detyroi gjyqtarin t’i tregonte të kuqin.

Korçarët e nisën vrullshëm ndeshjen, duke rrezikuar me Salihin që për pak sa nuk shënoi me kokë. Megjithatë, goli nuk vonoi shumë, pasi sulmuesi i Kombëtares u gjend më së miri pas një aksioni që nisi nga e majta për korçarët, duke çuar topin në rrjetë në të 16-n.

Pak para përfundimit të pjesës së parë, një gabim i Vangjelit bëri që Belaku i Milsamit të dalë i vetëm përballë Shehit, i cili bën një pritje spektakolare për të ruajtur epërsinë minimale.

Pjesa e dytë nis me një gjysmë rasti të korçarëve, por në minutën e 55 Skënderbeu siguron fitoren. Vangjeli jep një pasim perfekt nga krahu i djathtë për Prognin që del i vetëm përballë portierit dhe godet fort me të djathtën duke e dërguar topin në rrjetë.

Salihi do të rrezikonte edhe një herë në vazhdim të ndeshjes, por shtylla i mohoi golin e dytë personal dhe të tretin për Skënderbeun.

Faqja e UEFA-s menjëherë pas përfundimit të ndeshjeve të sotme ka rifreskuar edhe koefiçentet e ekipeve të kualifikuara në “Play-Off. Kështu, janë njohur tashmë zyrtarisht edhe 5 kundërshtarët e mundshëm të Skënderbeut në këtë fazë. Ja cilët janë ata:

FC Basel 1893 (SUI) 84.875
Celtic FC (SCO) 39.080
APOEL FC (CYP) 35.460
FC BATE Borisov (BLR) 35.150
GNK Dinamo Zagreb (CRO) 24.700

Barcelona është rikthyer fuqishëm për të shënuar fitoren e parë pas tre disfatash, duke mposhtur Romën me rezultat 3-0.
Blaugranët nuk gëzuan formë të mirë në miqësoret e deritashme, por rikthimi i Lionel Messi duket se i ka dhënë një shtytje ekipit të Luis Enrique.

Argjentinasi menjëherë tregoi ndikimin e tij, kur qysh me të filluar ndeshka kërcënoi portën italiane. Pas disa rastesh erdhi edhe goli i avantazhit për spanjollët, kur Neymar shënoi pas një harkimi të Jeremy Mathieu, pas një loje nga Messi (26’).

Pas disa rastesh të mbrojtura nga portieri Wojciech Szczesny, katër minuta para fundit të pjesës së parë Barcelona dyfishoi epërsinë, me Messi që ishte autor i golit (41’).

Blaugranët e dominuan edhe pjesën e dytë të takimit, por pavarësisht rasteve të shumta të shënimit ata shtuan vetëm edhe një gol, kësaj here përmes Ivan Rakitic (66’).

Ndeshja u karakterizua edhe nga një përplasje në mes të Lionel Messi dhe Mapou Yanga-Mbiwa, me argjentinasin që e kapi për qafe francezin.

Rita Ora ka hedhur në treg këngën e re në bashkëpunim me Chris Brownin në emisionin e njohur “The Cruz Show”, raporton Koha.

Në intervistën e premierës së këngës, ajo ka folur për Brownin, të cilin e ka lavdëruar për punën e bërë në klip dhe në fund të videos së publikuar ajo përdor edhe fjalë ofenduese në gjuhën shqipe.

Këtë e bëri pasi asaj iu kërkua të thoshte diçka që drejtuesit e emisionit nuk do ta kuptonin.

Te gjithe pelqejne te vishen bukur. Qofte ajo nje bluze e preferuar apo nje pale atlete te mira te cilat i ruani per raste te vecanta. Por asnje nuk mund te konkuroje yllin e POP-it, Rihannen kur behet fjale per nje veshje teper speciale. RIRI ndoqi Festivalin Crop Over ne Barbados ku kishte veshur nje veshje teper ekstravagante qe te linte pa mend. Ajo postoi shume foto dhe nje video duke kercyer twerk.

A video posted by Dj Hutchy (@djhutchy) on Aug 3, 2015 at 4:45pm PDT

Eye-soul-ation #CaribbeanGal #culture

A video posted by badgalriri (@badgalriri) on Aug 3, 2015 at 6:03pm PDT

Pothuajse një muaj pas njoftimit të përqafimit të Islamit, sulmuesi i Tottenham-it, Emmanuel Adebayor ka zbuluar shkaqet e konvertimit të tij, duke thënë se ngjashmëritë ndërmjet Islamit dhe Krishterimit e kanë udhëhequr atë në të Vërtetën.

Jezusi (a.s.) na mësoi se ka vetëm një Zot dhe vetëm Zoti duhet të adhurohet siç shkruan në Bibël, në Ligji i Përtërirë 6: 4, Marku 12:29. Muslimanët, gjithashtu, besojnë siç shkruan në Kur’an 4: 171:

171. O ithtarët e librit, mos teproni në fenë tuaj dhe mos thuani tjetër gjë për All-llahun, përveç asaj që është e vërtetë. Mesihu Isa, bir i Merjemes, ishte vetëm i dërguar i All-llahut. Ishte fjalë e Tij (bëhu) që ia drejtoi Merjemes dhe ishte frymë (shpirt) nga Ai. Besoni pra All-llahun dhe të dërguarin e Tij e mos thoni: “Tre” (trini). Pushoni (së thëni), se është më mirë për ju. All-llahu është vetëm një All-llah; larg qoftë asaj që Ai të kektë fëmijë. ç’ka ka në qiej dhe në tokë është vetëm e Tij. Mjafton që All-llahu është planifikues i pavarur. u citua Adebayor nga The Herald.

Emmanuel Adebayor ishte duke folur për një nga 13 arsyet e vendimit të tij për të përqafuar Islamin pasi ra Shehadet apo e dha Deklaratën e Dëshmisë , në një video YouTube, postuar në internet muajin e kaluar.

I veshur me petka të bardha, Adebayor në Deklaratën e Dëshmisë apo Shehadetin, tha:

Esh’hedu en la ilahe il-lall-llah ve esh’hedu enne Muhammeden abduhu ve resuluhu – Besoj dhe deklaroj se ekziston vetëm një Zot – All-llahu dhe se Muhammedi është rob dhe i dërguar i Tij “.

Ndër arsyet e konvertimit të tij në Islam ishte se Profeti Isa (a.s.) nuk ka ngrënë mish derri sikur muslimanët të cilët nuk e hanë mishin e derrit.

Fjalë të tilla si Salam alejkum (Paqja qoftë me ju) dhe “Insha’Allah, përmendën në Kur’an, Libri i Shenjtë i Islamit, janë përdorur gjithmonë nga Jezusi (Isai, )a.s), tha futbollisti Togolez.

Jezusi (a.s,), mori abdes, lau fytyrën, duart dhe këmbët para se të lutej. Muslimanët bëjnë të njëjtën gjë. Jezusi (a.s.) dhe profetët e tjerë të Biblës u lutën me kokën e tyre në tokë (shih Bibla, Mateu 26:39). Muslimanët bëjnë, veprojnë kështu siç shkruan në Kur’an: 3:43, theksoi Adebayor.

Jezusi (a.s.) kishte mjekër dhe ka veshur xhybe. Është Sunnet, traditë, për burrat muslimanë të bëjnë të njëjtën gjë.

Jezusi (a.s.) ka zbatuar Ligjin dhe besonte në të gjithë profetët, (shih Bibla, Mateu 5:17). Muslimanët bëjnë kështu siç urdhërohet në Kur’an, 3:84 dhe 2: 285 .

Emmanuel Adebayor ka luajtur më parë për Metz, Monako, Arsenal, Real Madrid dhe Manchester City. Ai u shpallë Futbollisti Afrikan i Vitit në vitin 2008.

I përshkruar si i gjatë, i aftë, i fortë në ajër dhe me aftësinë për të shënuar gola dhe për të krijuar, ai përfaqësoi ekipin kombëtar të futbollit të Togo-s në Kupën e Botës në Gjermani, për herë të parë dhe të vetmen deri më sot, në vitin 2006, në Kupën e Botës.

Ai është aktualisht golashënuesi më i mirë i të gjitha kohërave i Togos me 28 gola të shënuara.

Kapiteni i Kombëtares, Lorik Cana e ka ndarë mendjen. Kundër të gjitha ideve për mundësinë e largimit të tij nga lacialët, mbrojtësi 32-vjeçar Cana do të vazhdojë të jetë pjesë e Lacios dhe gjatë këtij sezoni të Serisë A.

Burime të sigurta pranë kapitenit kuqezi, tregojnë për www.sportal.al, se në pamundësi për të arritur një akord për t’u transferuar në Arabi, Loriku ka vendosur që të vazhdojë edhe për një sezon të jetë pjesë e skuadrës laciane.

Për këtë ai ka biseduar me drejtuesit e klubit dhe pas kthimit nga Kina ku do të zhvillojë ndeshjen e Superkupës, ai do të bashkohet me skuadrën e Lacios për të nisur stërvitjet.

Pjesëmarrja e Lacios në Champions League, por mbi të gjitha ndeshjet mjaft të rëndësishme të Kombëtares sonë me Danimarkën dhe Portugalinë fillimisht, e kanë detyruar kapiteni Canaj, të marri vendimi përfundimtar për të vazhduar edhe gjatë këtij sezoni të Serisë A të jetë pjesë e Lacios.

Një lajm i mirë ky natyrisht për lacialët, të cilët prej 4 sezonesh i njohin mirë vlerat e Lorikut, por edhe për trajnerin Xhani De Bizi, i cili kishte shprehur shqetësimin për disa titullarë, që ende nuk ishin stabilizuar me ekipe gjatë kësaj periudhe merkatoje.

Evertoni nuk heq dorë nga Xherdan Shaqiri sepse trajneri Roberto Martinez e do me çdo kusht kosovarin në skuadër.

Sipas informacioneve të fundit nga mediat angleze, Evertoni e ka bërë ofertën e dytë për Shaqirin, me shpresën që përgjigja e Interit kësaj radhe do të jetë pozitive.

Rruga e Evertonit drejt Shaqirit është huazimi me të drejtë blerje dhe në “Goodison Park” janë shumë optimist që do t’ia dalin.

Shkupi e ka nisur mbarë sezonin e ri në futboll. Ekipi i Zekirja Ramadanit ka barazuar 2-2 si mysafir i Vardarit, kampion aktual dhe një nga favoritët për titullin e kampionit, në stadiumin Arena “Filipi i Dytë” në Shkup, raporton gazeta “Lajm”.

Futbollistët e FC Shkupi gjatë 90 minutave kanë luajtur me zemër, duke treguar se si luftohet për ngjyrat e klubit. Ata meritojnë çdo lëvdatë për këtë lojë burrërore, duke mos u dorëzuar në asnjë çast. Ata madje të parët shënuan, duke i bërë me dije Vardarit se nuk ia kanë frikën as në terrenin e tyre. Në minutën e 22-të sulmuesi me përvojë Ardian Nuhiu zhbllokoi rezultatin, pas një aksioni kundërsulmi mirë të organizuar. Me këtë rezultat mbyllet pjesa e parë.

Në pjesën e dytë Vardari mundohej të vinte te barazimi, por e kishte vështirë të depërtonte prej mbrojtjes granite të Shkupit.

Megjithatë në minutën e 66-të ata barazojnë rezultatin nga penalltia e dyshimtë, dhe kjo vërehej nga protesta e lojtarëve të FC Shkupi. Bllazhevski shënoi për 1-1.

Në minutën e 87-të sulmuesi Ivanovski sjell në epërsi prej 2-1 Vardarin, pasi u gjend mirë në zonën e rreptësisë së mysafirëve, duke mposhtur Zendelin.

Mirëpo, gëzimi i vendasve nuk zgjati shumë, ngase sulmuesi Florent Osmani në minutën e fundit të kohës së rregullt barazoi në 2-2, duke ia shkurtuar këmbët vendasve. Gëzimi i madh në radhët e FC Shkupi, që rrëmbeu një pikë të madhe në këtë ndeshje derbi.

Shkëndija e Tetovës e ka nisur sezonin e ri me fitore, ashtu edhe siç ishte pritur, kundër Mlladost CD me rezultat 3-1, në ndeshjen e zhvilluar në stadiumin e Çairit, të dielën pasdite, raporton gazeta “Lajm”.

Kuqezinjtë janë befasuar në fillim të takimit kur u gjetën në disavantazh, pas golit të Cvetanovkit në minutën e tretë, por shpejt e kanë marrë vetën, duke shënuar tre herë në portën kundërshtare, ndërsa kanë huqur edhe po aq raste të mira për shënim.

Në minutën e 21-të ishte Ferhan Hasani i cili nga goditja e lirë realizoi një eurogol të vërtetë për barazim të rezultatit 1-1. Me këto shifra përfundoi pjesa e parë.

Edhe në pjesën e dytë Shkëndija ishte dominuese në teren dhe ky dominim u shpagua me golin e Besart Ibraimit, pas një gjuajtje precise në minutën e 61-të.

Shkëndija edhe pas avantazhit nuk u ndal, duke shënuar golin e tretë përmes sulmuesit kroat Vrucina, i cili në minutën e 69-të shfrytëzoi një gabim të mbrojtjes mike për të shënuar golin e tretë për rezultatin 3-1.

Renova është turpëruar në stadiumin “Kukush”, duke u mundur me rezultast 4-0 nga horizont turnovo. Dy gola I ka shënuar demush imeri, ndërsa dy të tjere Sashko Pandev.

Vazhdojnë incidentet me baza etnike në Maqedoni. Prej startit të sezonit të ri futbollistik në vendin fqinj, janë regjistruar thirrje anti-shqiptare.

“Shqiptar i mirë është shqiptar i vdekur” dhe ofendime të tjera u dëgjuan në stadiumin “Filipi i Dytë” në Shkup, aty ku Shqipëria do të luajë me Maqedoninë në kuadër të kualifikueseve për Botërorin 2018.

Thirrjet me baza etnike erdhën në fundin e pjesës së parë, pasi ekipi shqiptar i Shkupit po kryesonte 1-0 me golin e Ardian Nuhiut. Thirrjet e spikerit për qëndrim korrekt në tribuna, huliganët maqedonas të Vardarit iu përgjigjën me vërshellima.

Në fund derbi i Shkupit përfundoi në barazim 2-2. Në këtë ndeshje munguan tifozët shqiptarë të përfaqësuar nga grupimi “Shvercerat”. Vendimi u mor për arsye sigurie, pasi ndeshja ishte cilësuar me rrezikshmëri të lartë nga Federata Maqedonase.

Çmenduria e huliganëve të grupimit “Komitët” vazhdoi në fshatin Batincë, në rrethinat e kryeqytetit. Pas ndeshjes, ata dhunuan 12 shqiptarë të këtij fshati, duke mos kursyer as gratë dhe fëmijët. Huliganët fillimisht i provokuan me fjalë, ndërsa më pas iu vërsulën fizikisht. Ai që e pësoi më rëndë barbarinë e “Komitëve” është Burhan Ismaili, sëbashku me kushëririn e tij, 14-vjeçar.

Edhe pse nuk ishin të pranishëm në stadium, tifozët shqiptarë festuan me skuadrën e tyre pas derbit. Barazimi u prit edhe më mirë se një fitore, pikërisht prej faktit që skuadra luftoi pa mbështetjen e fansave dhe kundër koreve raciste.

Stoke City gjen marrëveshjen personale me Xherdan Shaqirin përsa i takon termave financiarë. Tani klubi anglez është gati t’i paguajë Interit 13,5 milionë Paund, rreth 19 milionë Euro për trasferimin e mesfushorit.

Futbollisti me origjinë shqiptare që përfaqëson Zvicrën kaloi edhe testet mjekësore me klubin e Premier League-s dhe pritet ti shtohet listës së përforcimeve cilësore të klubit, si Afellay, Shay Given, van Ginkel, Glen Johnson apo talentin maroken të Barcelonës, Mohamed El Ouriachi.

Fillimisht u mendua se trajneri i Stoke City, Mark Hughes nuk ishte më i interesuar për 23-vjeçarin. Por, situata ndryshoi me prezencën e Shaqirit në Britania Stadium, për ndeshjen kundër Liverpool.

Me vendimin për t’iu bashkuar Stoke City, Xherdan Shaqiri refuzoi ofertat nga Everton dhe Newcastle në Angli, ndërsa më parë për lojtarin ishin interesuar edhe Schalke, Leverkusen dhe Borussia Dortmund.

Sipas mediave britanike, duke nisur nga “Daily Mail”, SkySports apo Eurosport, kalimi i Shaqirit pritet të realizohet brenda 48 orëve. Vonesa lidhet me faktin se përveç negociatave me Interin, Stoke po konsultohet edhe me Bayern Munchen.

Kjo për faktin se në transferimin e mesfushorit nga gjigandët bavarezë te italianët në janar të këtij viti, në marrëveshje ishin përcaktuar disa kushte specifike.

Megjithë vonesat proceduriale, te klubi i Stoke City besojnë se Shaqiri do të firmosë së shpejti dhe do të luajë në sfidën e së shtunës përballë Tottenham.

Ylli kosovar, Xherdan Shaqiri pritet t’ia shoh hairin transferimit në Stoke City

Transferimi i Xherdan Shaqirit te Stoke City është vetëm çështje orësh. Ylli kosovar ka kryer testet mjekësore dhe ka arritur marrëveshje me klubin nga Premierliga.

Sipas tablodit zviceran Blick, Shaqiri do të nënshkruaj kontratë katërvjeçare dhe pritet të përfitoj 8 milion franga bruto (7 milion euro) te ekipi i ri, shkruan Gazeta Express.

Kurse, Stoke pritet t’i paguaj Interit 18 milion franga (16.5 milion euro). Kështu, klubit anglez Shaqiri do t’i kushtoj 50 milion franga (46 milion euro).

Kushte të jashtëzakonshme sigurie për ndeshjen me Dinamon e Zagrebit. Presidenti Takaj dyfishon numrin e stjuartëve, duke shpenzuar rreth 20 milionë lekë për sigurinë

Drejtuesit e Skënderbeut janë vënë në “alarm”, pasi dje drejtuesit e klubit të Dinamos së Zagrebit kanë konfirmuar ardhjen e 700 tifozëve në stadiumin “Elbasan Arena” për ndeshjen me korçarët. Një shifër e lartë, e pazakontë kjo për një skuadër mike në Shqipëri. Kjo shifër në fakt përputhet me atë që u takon tifozëve miq në stadiumin e Elbasanit, sipas përqindjes së kapacitetit të këtij stadiumi. Diçka pozitive që vijnë kaq shumë tifozë, por nga ana tjetër duhet garantuar siguria në “Elbasan Arena” dhe kjo nuk është aspak e lehtë. 120 stjuartë siguroi në ndeshjen e fundit ndaj Milsamit presidenti i Skënderbeut, Ardjan Takaj, duke shpenzuar kështu rreth 10 milionë lekë. Dhe në atë ndeshje gjithçka shkoi si jo më mirë, ndërsa tani ai ka vendosur të marrë plot 250 stjuartë, pra t’i dyfishojë, sepse nuk dëshiron të ketë asnjë problem me sigurinë, pavarësisht kostove financiare. UEFA, duke qenë se është një ndeshje “play-off”-i, kërkon masa të rrepta sigurie në “Elbasan Arena” dhe këtë gjë ia ka bërë të ditur edhe klubit “Skënderbeu”. Presidenti Takaj prej disa ditësh ka ngritur një grup, që po punon enkas për mbarëvajtjen e ndeshjes së 19 gushtit. Ndaj Milsamit ishin në stadium 8200 tifozë, ndërkohë që tashmë interesimi është shumë herë më i madh.

ULTRASIT KROATË – Dinamoja e Zagrebit njihet për tifozërinë e saj të zjarrtë, ku spikat grupimi “BBB” apo “Bad Blue Boys”. Patjetër që ata 700 që do të vijnë në Elbasan do të jenë nga më fanatikët, ndaj dhe duhen menaxhuar sa më mirë. Për të shmangur çdo moment të pakëndshëm, që mund të sjellë pasoja, klubi korçar do të rakordojë me atë kroat. Ky fakt bëhet me dije nga drejtuesit e Skënderbeut, të cilët do të kërkojnë që tifozët kroatë të paraqiten me kartën e Dinamos së Zagrebit në një sportel të veçantë për t’u pajisur më pas me biletë, në mënyrë që të mos përzihen me pjesën tjetër. Konfirmimi i 700 tifozëve kroatë i ka vënë në lëvizje drejtuesit korçarë, që po përpiqen të marrin masat e duhura.