Mesfushori i Real Madridit, Luka Modriç shpreson Sergio Ramos nuk do të largohet nga skuadra madrilene.
Mbrojtësi spanjoll është duke u kërkuar me ngulm nga Manchester Unitedi, madje, sipas mediave spanjolle, tashmë lojtari ka pranuar kushtet që i ka ofruar klubi nga “Old Traffordi”.
Modriç shpreson se Ramos do të mbetet tek “Los Blancos”, sepse sipas tij, spanjolli është lojtar shumë i rëndësishëm i madrilenëve. “Shpresoj se Sergio do të qëndrojë, sepse ai është shumë i rëndësishëm. Ai është kapiten ynë, një udhëheqës jashtë dhe brenda”, ka thënë Modriç, transmeton Kpress.
“Ai është i lumtur. Unë mendoj se ai do të qëndrojë dhe është mbrojtësi më i mirë në botë. Ne nuk duhet të pyesim atë për të qëndruar, ai dëshiron të jetë këtu me ne, unë jam i sigurt për këtë”, ka theksuar ish ylli i Tottenhamit.