Ai mund të mos ketë tërheqjen që kishte David Beckham, por Steven Gerrard thotë se është i gatshëm për ta ndezur Hollywoodin sipas mënyrës së tij.
Derisa Beckham solli revolucion në MLS kur u transferua te Los Angeles Galaxy në vitin 2007, Gerradi po synon ta lë shenjën e tij në fushë. Mesfushori anglez javë më parë u transferua te LA Galaxy kurse ditë më parë debutoi me fitore 2:1 kundër skuadrës Club America.
Në këtë ndeshje, Gerrard u aktivizua për 45 minuta, por tifozët e LA Galaxy presin shumë nga ish-kapiteni legjendar i Liverpoolit. Ata e shohin atë si Beckhamin e ri dhe duan jo vetëm titullin e kampionit, por edhe popullaritet më të madh të klubit.
“Unë nuk jam këtu për të mbathur këpucët e Beckhamit për shkak se ato janë shumë të mëdha për mua. Beckham është ikonë botërore, kurse unë jam Steven Gerrard. Unë ofroj gjëra tjera dhe mbetem me shpresën se mund të ofroj nivel të njëjtë të suksesit”, është shprehur Gerrard…
