Liverpooli ka filluar bisedimet me mesfushorin e Dortmundit, Henrikh Mkhitaryan për të arritur marrëveshjen personale me lojtarin.
Sipas raporteve nga Daily Express, Dortmundi ka pranuar ofertën e Liverpoolit prej 20 milionë eurove për shërbimet e përfaqësuesit armen.
Gjithashtu edhe vet agjenti i lojtarit më herët kishte konfirmuar se lojtari dëshiron largimin nga klubi gjerman dhe është në kërkim të një aventure të re.
“Henrikh dëshiron të largohet nga Dortmundi në fund të sezonit. Duhet të presim dhe të shohim se çfarë do të bëjmë”, kishte thënë agjenti i lojtarit më parë.
Në rast të transferimit të Henrikh Mkhitaryanit, atëherë gjithçka rreth transferimit të Asier Illarramendit do të përfundonte edhe pse mesfushori i Realit ka tipare defanzive.