Skënderbeu do të luajë sot ndeshjen e kthimit të turit të dytë të Champions League ndaj Crusaders. Korçarët janë shumë pranë kualifikimit, falë fitores 4 – 1 në ndeshjen e parë. Ekipi ka zhvilluar stërvitjen e fundit në stadiumin “Sivju” në Belfast.
Trajneri Mirel Josa nuk ka në dispozicion vetëm mbrojtësin Tefik Osmani. Ai nuk ka mundur ta kalojë dëmtimin. Ndeshja Crusaders – Skënderbeu do të luhet sot në orën 20:45. Në turin e tretë ekipin korçar e pret triumfuesi në përballjen Milsami – Ludogorets.